Teknisyen Elektrisite Rejyonal

MSPP/Laboratoire National de Santé Publique

location_on Sid work Kontra

check_circle Aktif

Salè

Negosyab

Pibliye

07 May 2026

Wè

Dat limit

15 May

EntwodiksyonNan kad ranfòsman kapasite laboratwa ki nan Gran Nò ak Gran Sid peyi a, li enpòtan pou genyen yon sistèm elektrisite ki stab, serye epi disponib tout tan. Sistèm enèji solè “inverter no-contact” yo deja ensta...

description Deskripsyon Travay la

Entwodiksyon

Nan kad ranfòsman kapasite laboratwa ki nan Gran Nò ak Gran Sid peyi a, li enpòtan pou genyen yon sistèm elektrisite ki stab, serye epi disponib tout tan. Sistèm enèji solè “inverter no-contact” yo deja enstale pou ede laboratwa yo kontinye fonksyone, espesyalman pou ekipman sansib tankou ekipman dyagnostik ak konsèvasyon echantiyon yo.

Pou sa mache byen, sistèm yo bezwen antretyen regilye ak reparasyon rapid lè gen pwoblèm. Se poutèt sa Laboratwa Nasyonal Sante Piblik (LNSP), atravè pwojè Fon Mondyal la, ap chèche rekrite 2 Teknisyen Elektrisite kalifye pou :

Enstalasyon sistèm fotovoltaik yo
Antretyen prevantif
Reparasyon sistèm inverter simple/no-contact yo nan rejyon yo

Objektif jeneral :
Asire sistèm solè yo fonksyone byen epi dire lontan nan laboratwa ki konsène yo.

Objektif espesifik :

Enstale sistèm yo selon estanda teknik yo
Fè antretyen regilye
Idantifye ak repare pann elektrik oswa elektwonik
Garanti elektrisite disponib pou laboratwa yo
Fòme pèsonèl lokal sou antretyen debaz sistèm yo

Rezilta yo espere :

Tout sistèm yo ap fonksyone nòmalman
Pann yo ap rezoud rapid
Plan antretyen prevantif ap aplike
Ekipman laboratwa yo pap rete sispann lontan
Rapò teknik yo ap disponib regilyèman

Fonksyon yo

Enstalasyon

Enstale panno solè, inverter, batri ak lòt ekipman
Fè koneksyon elektrik yo selon estanda yo
Teste sistèm yo avan mete yo an sèvis

Antretyen prevantif

Verifye regilyèman câblage, batri, inverter ak panno yo
Netwaye panno solè yo
Verifye pèfòmans sistèm yo
Mete ajou fich swivi yo

Antretyen korektif

Idantifye pann elektrik oswa elektwonik yo
Repare oswa ranplase pyès ki domaje yo
Reyaji rapidman lè gen pwoblèm teknik

Sipò teknik ak rapò

Fòme pèsonèl lokal sou itilizasyon sistèm yo
Ekri rapò antretyen ak entèvansyon
Siyale nenpòt pwoblèm oswa bezwen ekipman

Kalifikasyon obligatwa

Fòmasyon

Diplòm nan elektrisite, elektwoteknik, enèji renouvlab oswa domèn ki gen rapò
Fòmasyon sou sistèm fotovoltaik se yon gwo avantaj

Eksperyans

Omwen 2 a 3 ane eksperyans nan :
- Enstalasyon sistèm solè
- Antretyen inverter ak batri
Eksperyans nan lopital oswa laboratwa se yon avantaj

Konpetans teknik

Bon konesans sistèm fotovoltaik ak inverter
Konnen sistèm “no-contact” oswa sistèm modèn otomatik yo
Kapab li plan elektrik
Kapab idantifye pann rapidman

Kalite pèsonèl

Òganize ak serye
Kapab travay poukont li
Bon kapasite kominikasyon
Disponib pou deplase nan rejyon yo

Kondisyon espesyal

Moun ki deja gen kontra ak yon pwojè Fon Mondyal ann Ayiti oswa fonksyonè Leta k ap touche sou bidjè Leta pa elijib pou pòs sa a.

Kondisyon travay

Travay la baze nan Direksyon Sanitè Sid oswa Nò
Ap genyen deplasman souvan sou teren
Gen posibilite pou yo bay transpò, per diem ak zouti travay

Livrab yo mande :

Plan antretyen prevantif
Rapò entèvansyon chak mwa
Rejis ekipman yo
Rapò fòmasyon pèsonèl
Rapò misyon ak entèvansyon

Dosye kandidati dwe genyen

CV detaye
Lèt motivasyon
Kopi diplòm ak sètifika yo
Omwen 2 lèt referans pwofesyonèl
Sètifika bon vi ak mès

Kontak

Voye dosye a pandan w ap presize sou anvlòp la oswa nan imèl la zòn travay ou chwazi a (Rejyon Sid oswa Rejyon Nò) anvan vandredi 15 me 2026 a 4:00 PM.

Imèl : lnsp.mspp.recrutement@gmail.com

Oswa depoze li dirèkteman nan adrès sa a :
Laboratwa Nasyonal Sante Piblik
52, Delmas 33, kwen ri Charbonnière ak Delmas 33

Zòn travay :
Chak teknisyen ap travay nan yon zòn espesifik :

Teknisyen Elektrisite Rejyonal Sid la ap baze nan Direksyon Sanitè Sid epi l ap travay nan depatman : Sid, Sidès (pase pa Petit-Goâve, Grand-Goâve ak Leyogàn), Grandans ak Nip.
Teknisyen Elektrisite Rejyonal Nò a ap baze nan Direksyon Sanitè Nò epi l ap travay nan depatman : Nò, Nòdès, Sant, Latibonit ak Nòdwès.

Pral gen deplasman souvan nan laboratwa ki nan diferan rejyon yo.

Dire kontra :
7 mwa, soti 1e jen rive 31 desanm 2026, avèk posibilite renouvèlman selon pèfòmans ak disponiblite finansman.

Kantite pòs : 2

Nòt : Dosye ki pa konplè pap konsidere. Se sèlman kandida ki seleksyone yo y ap kontakte.

work_history Rekòmandasyon